Тошкент шаҳрида жойлашган Наркология маркази 1977 йилдан буён фаолият юритмоқда. Муассаса 75 ўринга мўлжалланган бўлиб, ҳозирда 71 нафар бемор бюджет ҳисобидан даволанмоқда.
Мониторинг ташрифида Наркология марказида даволанаётган беморлар шароитлари, овқатланиши, улар учун тайёрланаётган озиқ-овқат маҳсулотлари, дори-дармонлар сифати ва муддати, уларни сақлаш хоналари ўрганилди.
Бундан ташқари, Наркология марказидаги беморлар билан суҳбатлашилди. Суҳбат вақтида, муассаса раҳбарияти ва ходимлари устидан шикоятлар келиб тушмади.
Шу билан бирга, ушбу муассаса раҳбарияти билан суҳбатда, Наркология биноси анча эскирганлигини маълум қилишди.
Олий Мажлиснинг Инсон ҳуқуқлари бўйича вакили (омбудсман) Ахборот хизмати
