Tashrif jarayonida muassasa ma’muriyati tomonidan hibsxonada saqlanayotgan shaxslar, ularning ijtimoiy kelib chiqishi hamda ular uchun yaratilgan sharoitlar haqida ma’lumot berildi.

Shuningdek, O‘zbekiston delegatsiyasi a’zolari u yerda saqlanayotgan shaxslarning yashash va ovqatlanish joylari, tibbiy xizmatdan foydalanish, mehnat qilish sharoitlari, uzoq va qisqa muddatli uchrashuv xonalari hamda kutubxona faoliyati bilan tanishdi.

Tashrif yakunida mazkur muassasada saqlanayotgan ikki nafar O‘zbekiston fuqarosi bilan uchrashuv o‘tkazildi. Muloqot davomida ularning masalalari tinglandi hamda huquqiy ko‘mak ko‘rsatish masalasi nazoratga olindi.

Oliy Majlisning Inson huquqlari bo‘yicha vakili (ombudsman) Axborot xizmati.